Hər həftənin şənbə günləri olduğu kimi Ağstafa rayonunda növbəti ümumrayon iməcliyi keçirildi. İməclikdə rayonun idarə, müəssisə və təşkilatlarının kollektivləri iştirak edirdilər. Ağstafa şəhərinin prospekt və küçələrində, park və xiyabanlarında səliqə-səhman işləri aparıldı, yaşıllıqlara xüsusi qulluq göstərildi, ağacların dibi şumlandı. Bakı-Qazax avtomobil magistralının və dəmiryolu xəttinin rayon ərazisindən keçən hissələri boyunca təmizlik işləri aparıldı. Qəsəbə və kəndlərdə keçirilən iməcliklərdə kəndarası yollar və suvarma arxları məişət tullantılarından təmizləndi.