Təməli ötən ilin sonlarında qoyulan Balakən rayon təhsil şöbəsinin yeni inzibati binasının tikintisi artıq yekunlaşıb.
Rayon İcra Hakimiyyətindən verilən məlumata əsasən, ikimərtəbəli yeni binada 20-dən artıq iş otağı, habelə iclas zalı var.
Bina müasir istilik sistemi ilə təchiz edilib, həyətində 2 su anbarı, transformator yarımstansiyası quraşdırılıb. Yeni inzibati binanın yaxın günlərdə istifadəyə verilməsi nəzərdə tutulur.
Xatırladaq ki, yeni tədris ilinə Balakənin 5 kəndində – Hənifə kəndində 480, Qazma kəndində 360, Qazbinə, Şambul və Qullar kəndlərinin hər birində isə 220 şagird yerlik yeni məktəb binalarının istifadəyə verilməsi də nəzərdə tutulub.