Binəqədi rayonunda abadlıq işləri aparılır

XALQ,AZ xəbər verir ki, Binəqədi rayonunda sakinlərin rahatlığı, küçə və yolların yenilənməsi, məhəllə və həyətlərin abadlığı üçün müxtəlif tədbirlər görülür.

Rayon icra hakimiyyətindən  verilən məlumata görə, rayon ərazisində abadlıq-quruculuq və yaşıllaşdırma işləri aparılır.

Avtomobil Yolları Dövlət Agentliyinin işçiləri 9-cu mikrorayonda yerləşən Mir Cəlal küçəsində yeni asfalt örtüyü çəkib, 7-ci mikrorayondakı A.Kunanbayev küçəsi 10 nömrəli yaşayış binasının girişində üzlük daşları təmir edilib, giriş qapılarının üzlükləri yenilənib. Həmin küçədəki 2 nömrəli binanın həyətində yaşıllıq zolağı salınıb, ağaclara aqrotexniki xidmət göstərilib, F.Məlikov 4, 1q, 1b və 1v nömrəli yaşayış binalarının giriş hissələrində təmir işləri davam etdirilib.

 

Elgün