Ermənilər Elnur Eltürkü hədələdilər – VİDEO

XALQ.AZ  xəbər verir ki, Diaspor yazarı, araşdırmaçı Elnur Eltürk sosial səhifəsində türk turistin İrəvanda qondarma erməni soyqırımı abidəsi önündə “Ölürüm Türkiyəm” mahnısını oxuması görüntülərini paylaşması ermənilərin hiddətinə səbəb olub.
E.Eltürk bildirib ki, bu görüntülər yayımlandıqdan bir neçə saat həm yerli mediada, həm də işğalçı ölkənin aktiv gəncləri tərəfindən ictimailəşdirilib. Onun sözlərinə görə, mindən çox paylaşım edilib və minlərlə şərh və rəylər yazılıb.
Amma maraqlı məqamlardan biri də odur ki, ermənilər bu görüntüləri paylaşmaqla yanaşı E.Eltürkə hədələyici mesajlar da göndəriblər: “Səhifəmdə tanımadığım erməni profillərindən təhqir və hədə dolu mesajlar almışam. Görünür bu ermənilərin hiddətindən doğan bir mesajdır. Axı bir türkün qondarma erməni soyqırımı abidəsi önündə yüksək səslə “Ölürüm Türkiyəm” mahnısını oxuması və onun ictimailəşdirilməsi işğalçıya ağır bir zərbədir”.

Xatırladaq ki, E.Eltürkün fəaliyyəti müstəqil Azərbaycanın dövlət və dövlətçiliyinin möhkəmlənməsinə, türk birliyinə və işğalçı Ermənistanın ifşasına istiqamətlənib. Bu xidmətlərinə görə də müxtəlif mükafat və diplomlarla təltif edilib.
“Ölürüm Türkiyəm” mahnısını oxuyan türkün görüntülərini təqdim edirik: