İlham Əliyev açılış etdi

 

prez

 

Bu gün Azərbaycan prezidenti İlham Əliyevin iştirakı ilə Bakı şəhərinin Atatürk prospektində, eləcə də F.Xoyski və Vaqif prospektlərində yeni yeraltı avtomobil tunel kompleksi istifadəyə verilməsi ilə bağlı açılış mərasimi keçirilib.

Xalq.az APA-Economics-əistinadən  məlumat verir ki , bununla paytaxtın «Gənclik» metro stansiyasının ətrafındakı Qələbə meydanı ərazisi və onunla kəsişən yollarda nəqliyyatın intensiv hərəkətinin nizamlanması, tıxacların aradan qaldırılması və işıqforsuz hərəkət rejimi təmin olunur. Tunel tipli yol qovşaqları vasitəsilə Atatürk və Vaqif prospektləri, həmçinin Atatürk prospekti ilə Əhməd bəy Ağaoğlu küçəsi vasitəsilə Təbriz prospekti birləşdirilir. Əlavə olaraq Təbriz küçəsindən hərəkət edən avtomobillər meydana girmədən birbaşa tunel vasitəsilə Atatürk prospektinə çıxa biləcək. Həmçinin, avtomobilləri F.Xoyski prospektinə qısa döngələrlə istiqamətləndirmək də mümkündür. Qələbə meydanı ərazisində hərəkət intensivliyindəki yaranan gərginlik və tıxac problemi tamamilə həll olunub.

Qeyd edək ki, paytaxtda ilk dəfə olaraq bu tunel kompleksi İntellektual Nəqliyyat Sistemi vasitəsilə idarə olunacaq.

İstifadəyə veriləcək tunellərdə Nəqliyyatı İntellektual İdarəetmə Mərkəzi (NİİM) tərəfindən idarə edilən 36 ədəd kamera və 4 ədəd Elektron İnformasiya Tablosunun köməyi ilə nəqliyyatın cari vəziyyəti haqqında məlumatlar təhlil edilərək sürücülərə çatdırılacaq. Bu kameralar nəqliyyat vasitələrinin orta hərəkət sürəti, sayı və həcmi haqqında məlumat toplayır, eyni zamanda qəza və tıxaclar haqqında da NİİM-ə məlumat ötürmək imkanına malikdir. Hər bir tunelin girişində isə sürücülərə ətraflı məlumatların çatdırılması üçün 4 tablo quraşdırılıb. Burada cari vaxt, temperatur, həmçinin həmin ərazidə müəyyən olunmuş sürət həddi, sürücülər üçün müvafiq hərəkət istiqamətləri, eləcə də digər mətn və qrafik şəklində məlumatların çatdırılması da mümkündür.