Azərbaycan karateçiləri İslam Oyunlarının ilk günündə iki medal qazanıb
İndoneziyanın Palembanq şəhərində keçirilən III İslam Oyunlarının ilk günündə Azərbaycan karateçiləri uğurlu çıxış edib. Gənclər və İdman Nazirliyinin mətbuat xidmətindən APA-ya verilən məlumata görə, idmançılarımız 1 qızıl və 1 gümüş medal qazanıb.
İslam oyunlarında 4 görüş keçirən Ayxan Mamayev ilk iki döyüşdə 8:0, üçüncü döyüşdə 1:0 hesablı qələbə qazanıb. Finalda isə karateçimiz Misir idmançısı Hani Keştanı 9:1 hesabı ilə məğlub edib.
Öz növbəsində Şahin Atamov ilk döyüşdə 5:3, ikincidə 2:0, yarımfinalda isə 1:0 hesabı ilə qalib gəlib. Yalnız finada iranlı rəqibinə məğlub olan Ş.Atamov Azərbaycan millisinə III İslam Oyunlarında ilk medalı qazandırıb.
Comments are closed.