Jurnalistlərin binasına ünvan verildi

binaaa

Bakı şəhərinin Səbail rayonunda jurnalistlər üçün inşa edilmiş yaşayış binasına ünvan verilib. Məlumatı rəsmi mənbələr yayıb. Verilən xəbərə görə, binanın ünvanı ötən həftə təsdiqlənib. Binanın yerləşdiyi küçə Yeni Salyan yolu adlandırılıb. Bina Yeni Salyan yolu, 22 ünvanında yerləşir.

Əldə etdiyimiz məlumata görə, yaxın bir həftə ərzində binada Fövqəladə Hallar Nazirliyinin mütəxəssisləri tərəfindən yoxlama keçiriləcək. Yoxlamadan sonra sənədlər müvafiq sərəncam alınması üçün Bakı Şəhər İcra Hakimiyyətinə təqdim olunacaq.

Qeyd edək ki, 22 iyul – Milli Mətbuat Günündə jurnalistlər üçün inşa edilmiş 156 mənzilli yaşayış binasının açılışı olub. Mərasimdə Azərbaycan Prezidenti İlham Əliyev iştirak edib.


Comments are closed.