Koçaryan həbs olundu

XALQ.AZ xəbər verir ki, Ermənistanın ikinci prezidenti Robert Köçəryan həbs olunub.

***

İrəvan şəhər məhkəməsi sabiq prezident Robert Koçaryan haqqında iki aylıq həbs qətimkan tədbiri seçib.

APA-nın məlumatına görə, bu barədə “İnterfaks” xəbər verib.

İyulun 26-da R. Koçaryan Xüsusi İstintaq Komitəsinə ifadə verməyə çağırılıb. Müstəntiqlər ona “qabaqcadan bir qrup şəxslə əlbir olaraq Konstitusiya quruluşunu devirmək” barədə rəsmi ittiham elan ediblər. Sabiq prezident 2008-ci il prezident seçkilərindən sonra İrəvanda keçirilən etiraz aksiyasının zorakılıqla dağıdılması barədə əmr verməkdə ittiham olunur. Həmin hadisələr nəticəsində 10 nəfər ölüb.

Qeyd edək ki, bundan əvvəl Ermənistanın keçmiş müdafiə naziri Mikael Arutyunyan qeyd olunan cinayət işi çərçivəsində konstitusion quruluşun devirməsi ittihamı ilə təqsirləndirilən şəxs qismində istintaqa cəlb edilərək barəsində axtarış elan edilib.

 

 

Orxan