Qadınlardan ibarət voleybol yığmamız İtaliyada keçirilən dünya çempionatına qələbə ilə başlayıb.
XALQ.AZ-ın məlumatına görə, yığmamız ilk oyununda 3 qat dünya çempionu olan Yaponiya millisinə qarşı gərgin və dramatik keçən görüşdə 3:2 hesabı ilə qalib gəlməyi bacarıb.
Bundan bir qədər öncə təmsilçimizin yer aldığı D qrupunda Çin Puerto Riko yığmasını 3:0 məğlubiyyətə uğradıb.
Millimizin qarşıdakı rəqibləri isə D qrupundakı rəqibləri – Çin və Puerto Riko yığmaları olacaq.
Qeyd edək ki, Çin çətinlik çəkmədən Puerto-Rikonu məğlubiyyətə uğratmağı bacarıb. Asiyalılar 3 setdə qalib gəliblər – 25:23, 25:18 və 25:20.
