Milli Məclisin gündəliyi açıqlandı

Azərbaycan Milli Məclisinin (MM) fevralın 13-də keçiriləcək plenar iclasının gündəliyi açıqlanıb.

XALQ.AZ məlumat verir ki,  iclasın gündəliyinə 18 məsələ daxildir.

Bunlar “Konstitusiya Məhkəməsi haqqında”, “Ələt azad iqtisadi zonası haqqında”, “Energetika haqqında”, “Elektroenergetika haqqında”, “Qaz təchizatı haqqında”, “Daşınmaz əmlakın dövlət reyesteri haqqında” və s. qanunlara, o cümlədən İnzibati Xətalar Məcəlləsinə dəyişiklik layihələri daxildir.

Bundan başqa, yeni hazırlanan “Əlilliyi olan şəxslərin hüquqları haqqında” qanun layihəsi müzakirəyə çıxarılacaq. İclasda bələdiyyələrin fəaliyyətinə inzibati nəzarəti həyata keçirən orqanın illik məruzəsinə də baxılacaq.