Nazarbayevdən Xəzərlə bağlı təklif

Nazarbayev

Xəzər dənizində azad ticarət zonası yaradıla bilər.

XALQ.AZ-ın məlumatına görə, belə bir təkliflə Qazaxıstan prezidenti Nursultan Nazarbayev çıxış edib.

Həştərxanda Xəzəryanı ölkələrin dövlət başçılarının IV sammitində iştirak edən Nazarbayev bildirib ki, bu məsələ Xəzəryanı ölkələrin hökumətləri səviyyəsində müzakirə olunacaq ilk mövzulardan biri ola bilər.

Qazaxıstan prezidenti, həmçinin sammit iştirakçılarını beynəlxalq hüququn ümumi norma və prinsipləri əsasında Xəzərdən digər dənizlərə və dünya okeanına azad çıxış prinsiplərini razılaşdırmağa çağırıb.

N.Nazarbayev nərə balıqlarının ovlanması qadağasına əməl edilməsi üzərində nəzarət mexanizmi yaratmağı da təklif edib.