Nazir: “Müəllimlərin işə qəbul qaydaları bu il də dəyişməyib”

“Müəllimlərin işə qəbulu mərhələli şəkildə həyata keçirilir. Bu il də qaydalar eyni şəkildə olacaq”.

 

XALQ.AZ  xəbər verir ki, bunu jurnalistlərə açıqlamasında təhsil naziri Ceyhun Bayramov deyib.

Onun sözlərinə görə, ilk olaraq mövcud vakansiyalar sistem daxilində olan müəllimlər üçün açılır:
“Sistem daxilində olan və ailə vəziyyəti ilə əlaqədar, yaxud da hansısa səbəbdən yaşayış yerini dəyişən müəllimlər vakant yerləri seçərək müsabiqədə iştirak etmək hüququ qazanırlar. Bir qayda olaraq biz bunu iyun ayında keçiririk. Hesab edirəm ki, bu il də həmin müsabiqə eyni ayda baş tutacaq”.

Nazir əlavə edib ki, mərkəzləşdirilmiş qaydada müəllimlərin işə qəbulu ilə bağlı müsabiqə mərhələsində dəyişiklərin olması nəzərdə tutulmur:
“Ötən il ilk elan edilən vakansiyalar zamanı deyil, ikinci yerləşdirmə zamanı iş qazanan və müvəqqəti əsaslarla işə qəbul olunan müəllimlər üçün daimi işləmək şəraiti yaradılıb. Artıq bu tədris ilinin əvvəlindən həmin müəllimlər işə başlayıb”.

 

Elgün

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.