Həştərxanda keçirilən Xəzəryanı ölkələrin dövlət başçılarının IV Sammiti çərçivəsində bir araya gələn 5 ölkənin prezidenti Volqa çayının sahilində gəzib.
XALQ.AZ-ın məlumatına görə, prezidentlər çaya körpə ağbalıq buraxıblar.
Rusiya, Azərbaycan, İran, Qazaxıstan və Türkmənistan liderləri içində nərə balıqların saxlandığı hovuzun yanında olan rəmzi düyməni basıblar və balıq qıf vasitəsilə Volqa çayına düşüb.
Bu simvolik mərasimdə məqsəd “Xəzər beşliyi” prezidentlərinin Xəzərin bioresurslarının və onun əsas sərvətinin – nərə balığının mühafizəsinə əhəmiyyət verdiyini nümayiş etdirmək olub.
