Qafqaz Universitetinin aqibəti bəlli oldu

Qafqaz

Uzun müddətdir müzakirə olunan Qafqaz Universitetinin aqibəti aydın oldu. Bununla bağlı həmin ali məktəbin də daxil olduğu beynəlxalq təhsil mərkəzinin idarə heyətinin rəhbəri, eyni zamanda Dövlət Neft Şirkətinin vitse-prezidenti Xalik Məmmədov açıqlama verib. O, bildirib ki, Qafqaz Universiteti fəaliyyəti davam edəcək.

XALQ.AZ-ın məlumatına görə, ARDNŞ-in vitse-prezidenti Xalik Məmmədov deyib ki, bu ilki tələbə qəbulu və abituriyentlərin seçim prosesi onun göstərdi ki, Qafqaz Universiteti böyük reytinqə malik bir universitetdir: “Biz bir daha çalışacağıq ki, universitet daha da yaxşı fəaliyyət göstərsin. Eyni zamanda biz çalışacağıq ki, Qafqaz Universiteti normal bir universitet kimi, Azərbaycan gəncliyinə, Azərbaycan xalqına xidmət etsin”.