Rəis iş adamları ilə görüşəcək

Dövlət Miqrasiya Xidmətinin (DMX) yeni rəisi işəgötürənlər ilə görüşəcək. Qurumun mətbuat xidmətindən verilən məlumata görə, DMX tərəfindən verilən iş icazələri, əmək miqrasiyası kvotası barədə işəgötürənlərə zəruri məlumatların çatdırılması, əcnəbi işçi qüvvəsinə tələbatın təmin edilməsi zamanı yaranan çətinliklərin və digər faydalı, işgüzar mövzuların müzakirəsi məqsədilə DMX-nin rəisi Vüsal Hüseynovun rəhbərliyi ilə yerli və xarici iş adamları ilə görüş keçiriləcək.

XALQ.AZ xəbər verir ki, Görüş may ayının 18-də saat 15-də Nərimanov rayonu, Ələsgər Qayıbov küçəsi, 1222 ünvanında “Caspian Business Hotel”in (Bakı Kondisioner Zavodunun yaxınlığı) konfrans zalında olacaq.

DMX tədbirdə işəgötürən müəssisələrin rəhbərlərinin (yaxud hüquqşünaslarının və kadr məsələləri üzrə məsul şəxslərin) iştirakını tövsiyə edir.

İştirak üçün (012) 5656118 (dax.,115; 311), (055)5106614 telefon nömrələri və shahriyar.m@migration.gov.azemail ünvanı vasitəsilə Dövlət Miqrasiya Xidmətinə əvvəlcədən məlumat vermək lazımdır.

 

 

Orxan

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.