Bakıdan Şəkiyə qohumlarına qonaq gələn 18 yaşlı qızı ilan sancıb.
Şəki şəhər-rayon Polis Şöbəsindən verilən məlumata görə, 1996-cı il təvəllüdlü, Bakı şəhər sakini Nigar Fəhmi qızı Sadıqzadə qohumları ilə Şəki şəhərinin yuxarı hissəsində dağlıq ərazidə istirahət edərkən onu ilan sancıb.
Nigar Sadıqzadə təcilli Şəki Rayon Mərkəzi Xəstəxanasına (RMX) aparılıb. Şəki RMX-dan verilən məlumata görə, ilan Nigar Sadıqzadənin sol ayağının topuq nahiyyəsindən sancıb. Nigar Sadıqzadəyə lazimi ilkin tibbi yardım göstərilib və xəstəxananın reanimasiya şöbəsinə yerləşdirilib. Hazırda vəziyyəti orta-ağır hesab olunur. Məlumatda bildirilir ki, Nigar Sadıqzadə Şəki şəhərində yaşayan qohumlarına qonaq gəlib.
