Şabranda avto qəza: Ölən var

Qeza-3

Şabran rayonunda minik avtomobili ilə yük maşını toqquşub.

XALQ.AZ-ın Fövqəladə Hallar Nazirliyinin saytına istinadən verdiyi məlumata görə, hadisə Bakı-Quba yolunun 132-ci kilometrində baş verib.

Belə ki, vətəndaşa məxsus “KamAZ” markalı yük avtomobilinin və digər vətəndaşa məxsus “VAZ-2106” markalı minik avtomobili ilə toqquşub. Nəticədə “VAZ-2106” markalı minik avtomobilinin sürücüsü ağır bədən xəsarətlərindən hadisə yerində ölüb.

Yanğınsöndürən-xilasedicilər tərəfindən avtomobildə sıxılmış vəziyyətdə qalmış 1982-ci il təvəllüdlü Mövlanverdiyev Rafiq Adgözəl oğlunun meyiti çıxarılaraq aidiyyatı üzrə təhvil verilib.