“SOCAR Türkiyə”nin yeni ofisinin açılışı oldu – FOTO

Türkiyənin ən böyük xarici investorlarından olan “SOCAR Türkiyə” sürətlə böyüyən şirkətlərini vahid mərkəzdə toplamaq məqsədilə İstanbulun yeni yaşayış və iş mərkəzi “Vadistanbul”da sahəsi 17 min 800 kvadratmetr sahəyə malik olan yeni ofisini istifadəyə verib.

XALQ.AZ xəbər verir ki,  açılış mərasimində Dövlət Neft Şirkətinin prezidenti Rövnəq Abdullayev də iştirak edib.

Tədbirə hər iki ölkədən dövlət və hökumət nümayəndələri, rəsmi şəxslər qatılıblar.

“SOCAR Türkiyə”nin yeni binasının açılışı münasibəti ilə təşkil olunan rəsmi mərasim İstanbulun Sarıyer ərazisində yerləşən Heydər Əliyev adına parkda başlayıb.

Ümumilli lider Heydər Əliyevin və Türkiyə Cumhuriyyətinin qurucusu Mustafa Kamal Atatürkün abidəsi ziyarət olunub, daha sonra isə “SOCAR Turkey”in 12 mərtəbəli yeni ofis binasının təntənəli açılış mərasimi keçirilib.

Orxan