İcra Başçısının nümayəndəsi rayon ərazisində fəaliyyət göstərən ticarət obyektlərindən pul yığır.
Yevlax rayonunda sahibkarların durum gərginləşib. Bu barədə Xalq.az-a rayon sakinləri məlumat verib. Sakinlər bildirir ki, icra hakimiyyətinin başçısı Qoca Səmədov rayon ərazisindəki obyektlərə əlavə rusum tətbiq edib. Sakinlər redaksiyamıza yazırlar: «Qoca Səmədov adından muavinləri Namiq Süleymanovvə Vaqif Abdullayev iyun ayının 1-dən, etibarən rayon mərkəzində və digər ərazilərdəki obyekt sahiblərinə xəbərdarlıq edilib. Əslində xəbərdarlıqlarının mahiyyəti aydındır. Hər bir sahibkardan rayondakı abadlıq işlərində, ictimai-siyasi proseslərdə fəal iştirak etmələri istənilib ki, bunun da arxasında konkret olaraq maddi marağın dayandığı faktdır».Xatırladaq ki, prezident İlham Əliyevin rəhbərliyi altında keçirilən müşavirədə də bu məqama toxunulmuşdu və icra başçılarına xitab edən dövlət başçısı sərt şəkildə bildirişdi ki, heç bir icra başçısı hansısa sahibkarı zorla hansısa prosesə cəlb edə bilməz.
Amma görünür, Qoca Səmədov üçün bu kimi xəbərdarlıqlar yetərsizdir. Elə bunu ifadə edən rayon sakinləri müraciətlərində qeyd edirlər ki, artıq 20-ə yaxın sahibkardan ən azından 3000-5000 manat arası pul toplanılıb: «Hər kəs bu pulu vermək zorundadır. Yoxsa obyekti bağlana bilər. Düzdür, bunu açıq şəkildə ifadə etmirlər. Amma biz nələrin baş verəcəyini yaxşı bilirik».
Sahibkarlardan əlavə “rusum” adından alınan pullar rayonda bayram tədbirlərinin keçirilməsində və əztəminatlı ailələrə yardım olunacağı kimi bildirilir.
Qarşı tərəflə əlaqə saxlasaqda telefon dəstəylərini qaldıran olmadı ,və qarşı tərəfində mövqeyini işıqlandırmağa hazırıq .
