“Kiməsə elə gəlməsin ki, nazir vəzifəsi rahat bir işdir”.
XALQ.AZ-ın xəbərinə görə, bu sözləri 07.10.2019-ci ildə Mədəniyyət naziri Əbülfəs Qarayev müsahibəsində deyib: “Mən düz 17 il turizm naziri oldum, günbəgün. Yəni 18 aprel, 2001-ci ildə turizm Gənclər və İdman Nazirliyinə əlavə olundu, 2018-ci ilin 18 aprelində Mədəniyyət və Turizm Nazirliyi əsasında iki müstəqil qurum yarandı. Amma hesab edirəm ki, hər dövrün öz ehtiyacları, proqramları, məqsədləri və onlara gedən yolları olmalıdır. Ona görə bütün bu islahatların, yeniliklərin içində müvəqqəti də olsa, müəyyən bir dövrdə bu formatda nazirliklərin fəaliyyəti dövlətə lazım idi. Hesab edirəm mən çalışdım ki, bu məqsədlərə düzgün xidmət edim. Əgər mən bu günədək işləyirəmsə, deməli, hər hansı böyük səhv buraxmamışam”.
Əbülfəs Qarayev həmçinin nazir işləmək çətin bir iş olduğunu da deyib: “Çətindir… Çətindir… Kiməsə elə gəlməsin ki, bu, rahat bir işdir”.
Xatırladaq ki, Dövlət Təhlükəsizliyi Xidməti mayın 8-də Mədəniyyət Nazirliyində əməliyyat keçirib. Nazir müavini Rafiq Bayramov və Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanov həbs ediliblər.
