Millət vəkili Vahid Əhmədov deputat seçildiyi Quba rayonunda karantin tələblərinin şərtləri nəzərə alınmaqla bir sıra tədbirlərdə iştirak etmiş və seçiciləri ilə görüşərək onları qəbul edib.
XALQ.AZxəbər verir ki, əsas məqsəd bu il keçirilən parlament seçkiləri zamanı əhali tərəfindən deputat qarşısında qaldırılan məsələlər və onların həlli istiqamətində atılan addımlar olub.
Bu baxımdan Qubanın bir sıra kəndlərində içməli suya olan tələbatın ödənilməməsi və əhalinin bu sarıdan əziyyət çəkdiyi ən aktual məsələlərdən birincisidir. Deputatın təşəbbüsü və maliyyə dəstəyi ilə rayonun Gədikqikşlaq, Küsnətqazma, Küpçal kəndlərinə suyun çəkilməsi işləri tamamlanıb və millət vəkilinin iştirakı ilə açılış keçirilib. Ümumilikdə 14 kilometr su xətti çəkilib, 5 su anbarı tikilərək əhalinin istifadəsinə verilib. Hazırda Cimi kəndinə 9 kilometr məsafədən suyun çəkilişi istiqamətində işlər davam edir. Millət vəkilinin yardımı ilə Qubanın Qəçrəş kəndində məscid binasında aparılan təmir-tikinti işləri ilə yerində tanış olan deputat, iş prosesində yaranan problemlərin həllində gələcəkdədə köməklik göstərəcəyinə söz verib. Zizik kəndinin dindarlarının xahişi ilə kənd məscidindədə də yenidənqurma işlərinə dəstək verən millət vəkili kənddə olub, bir qrup əhali ilə görüş keçirib.
Seçicilərinin müraciəti nəzərə alınaraq Quba şəhərində yerləşən ofisində qəbul keçirilib. Ümumilikdə 54 seçici deputat tərəfindən karantin qaydalarına uyğun olaraq təkbətək qəbul edilib. Əhalini narahat edən bir çox məsələlər- sosial problemlərinin həlli, mənzillərinin təmiri və inşaat materiallarının verilməsi, işədüzəlmə, yeni torpaq sahələrinin paylanması, ailə məişət məsələlərinin həllinə köməklik, maddi yardımların olunması və sair bu kimi məsələlr qəbul zamanı qaldırılan məsələlərdən olub. Bir sıra məsələlər yerindəcə həll edilmiş, bəzi problemlərin həlli üçün aidiyyatı qurumlara yazılı müraciətlər olunub.
Bir neçə gün rayonda olan millət vəkili rayonun İcra başçısı ilə görüşərək keçirdiyi görüşlər və əhalinin söylədiyi bəzi problemlərlə bağlı fikir mübadiləsi aparıb, rayonda olan problemlərin tez bir zamanda həlli üçün görüləsi işləri müzakirə ediblər.