Son zamanlar ailəsi ilə yaşadığı problemlərlə gündəmə gələn türkiyəli sənətçi Özcan Denizin infarkt keçirdiyi məlum olub.

XALQ.AZ Türkiyə KİV-ə istinadən xəbər verir ki, aktyorun rol aldığı “Kızıl Goncalar” serialının çəkiliş meydançasında huşunu itirdiyi bildirilir. Belə ki, ilk müdaxilədən sonra anju edilən Deniz iki həftə sonra yenidən xəstəxanaya gedəcək və ürəyindəki tıxanmış damara stent qoyulacaq. Məşhur aktyorun hazırda evdə dincəldiyi öyrənilib.

Qeyd edək ki, 28 fevral tarixində Bakı Konqres Mərkəzində “Anadolu Events” təşkilatçılığı ilə  Özcan Denizin keçirilməsi planlaşdırılan  konserti təxirə düşməsi ilə bağlı  iddialar yayılıb. Qeyd edək ki, 55-495 manata olan bütün biletlər satılıb.

Bakı Konqres Mərkəzindən bu barədə heç açıqlama verilməyib.