Milli Məclisin növbədənkənar iclaslarının gündəliyi açıqlanıb.
XALQ.AZ-ın xəbərinə görə, bununla bağlı Milli Məclisin mətbuat katibi Akif Təvəkküloğlu məlumat verib.
Onun sözlərinə görə, gündəliyə 48 məsələ daxildir:
“Milli Məclisin növbəti növbədənkənar iclasları iyunun 27-si və 28-də ardıcıl olaraq keçirləcək. Hər iki iclasa ümumilikdə 48 məsələ daxil edilib.
“Azərbaycan Respublikasının 2018-ci il dövlət büdcəsinin icrası haqqında” qanun layihəsi 3-cü oxunuşda, “Azərbaycan Respublikasının 2019-cu il dövlət büdcəsi haqqında” qanunda dəyişiklik edilməsi birinci oxunuşda, “Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında” qanunda, “Məhkəmələr və hakimlər haqqında”, Vergi Məcəlləsində, “Dövlət satınalmaları haqqında” qanunlarda dəyişiklik nəzərdə tutulub”.
Mətbuat katibi bildirib ki, bir sıra qanunlara da dəyişiklik nəzərdə tutulub.
Yeganə
