Bakıda 13 yaşlı qız qonşusunu zorlamaqda ittiham etdi
Xəzər rayonu 1-ci Polis Bölməsinə azyaşlının zorlanması barədə məlumat daxil olub.
Vesti.Az xəbər verir ki, bu barədə Xəzər rayonu Polis İdarəsindən bildiriblər.
Məlumata görə, dekabrın 3-də Qala kənd sakini M.A. polisə müraciət edərək, deyib ki, onun 13 yaşlı qızı Ş.A. dekabrın 2-də axşam saat 22:00 evdən çıxıb və dekabrın 3-ü saat 11:00 radələrində evə qayıdıb.
Azyaşlı qız “sən harada idin?” sualına isə, onu qonşuluqda yaşayan 29 yaşlı M.Aliquliyevin oğurladığını söyləyib.
13-yaşlı qızın sözlərinə görə, qonşu oğlan onu öz avtomobilində zorlayıb, sonra isə buraxıb.
Hal-hazırda müstəntiqlər qızın anasının verdiyi məlumatı yoxlayır. Oğlanın günahı olub olmadığı sübuta yetirilmədiyi üçün, o hələ saxlanılmayıb.
