Avtomobillər bahalaşdı

 

avtom baz

Paytaxtda və bölgələrdəki maşın bazarlarında bahalaşma müşahidə olunur.

XALQ.AZ xəbər verir ki, bu haqda məlumatı “Xəzər xəbər” yayıb. Xəbərdə deyilir ki, qiymətlərin qalxmasına səbəb kimi isə ili köhnə olan avtomobillərin xaricdən artıq gəlmədiyi, bunun əvəzində isə yaranan təlabatı ödəmək üçün bu cür maşınların sayının getdikcə azalmasıdır.

Alıcılar isə qiymətlərin bu dəfə öncəki aylardan daha çox bahalandığını bildirirlər. Hətta bu qiymət fərqinin minlərlə manat olduğunu düşünürlər.

Gəncənin avtomobil bazarında satıcılar müştəri qıtlığından şikayətlənsə də alıcılar buna qiymətlərin baha olmasını səbəb göstəriblər.

Bərdənin avtomobil bazarında da qiymət artımı müşahidə olunur.

Ancaq müşahidə olunan budur ki, bölgələrdəki qiymət artımı paytaxtla müqayisədə daha azdır.

Bakıdan fərqli olaraq bölgələrdə tələbat daha çox Rusiya istehsalı olan avtomobillərədir.