“Azərbaycan miqrantlar üçün populyar məkandır”

“Azərbaycan miqrantlar üçün populyar məkandır, çünki burada təhlükəsizlik tam təmin olunub, multikultralizm, dözümlülük hökm sürür” 

XALQ.AZ xəbər verir ki, bunu Dövlət Miqrasiya Xidmətinin rəisi Vüsal Hüseynov V Ümümdünya Mədəniyyətlərarası Dialoq Forumu çərçivəsində keçirilən “Miqrasiya, yerdəyişmə və insan təhlükəsizliyi” adlı plenar sessiyada çıxışı zamanı deyib.

Xidmət rəisi bildirib ki, bu, hökümətin uzunmüddətli siyasəti ilə bağlıdır: “Biz turizmin, sərmayələrin Azərbaycanda inkişaf etməsi ilə bağlı tədbirlər görmüşük. Miqrantlar Azərbaycanı məskunlaşmanın mümkün məkanı kimi qiymətləndirirlər”.

V.Hüseynov qeyd edib ki, hazırda dünyada 20 milyon miqrant var: “Məcburi köçkünlərın sayı isə 8 milyon nəfərdir. Bu, rekord saydır. Miqrasiya bir sıra platformalarda müzakirə mövzusuna çevrilib. Dinamik inkişaf yeni çətinlikləri, təhlükələri, insan təhlükəsizliyini gündəmə gətirməyə başlayıb. Miqrasiya eyni zamanda inkişafa dəstək verir. Dünyanın istənilən ölkəsi miqrasiya siyasətindən maksimum yararlanmaq istəyir”.

DMX rəisi vurğulayıb ki, Azərbaycan hər zaman beynəlxalq öhdəliklərinə sadiqdir: “Miqrasiya baxımından Azərbaycan müvafiq beynəxalq sənədləri imzalayıb. Milli qanunvericiliyimizi həmin standartlara uyğunlaşdırmışıq. Miqrasiya transsərhəd problemdir”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.