Azərbaycan və Mərakeş bir sıra sənədlər imzalayıblar

Azərbaycan və Mərakeş bir sıra sazişlər imzalayıblar.

XALQ.AZ -ın məlumatına görə, sənədlər Mərakeş Krallığının xarici işlər və beynəlxalq əməkdaşlıq naziri Nasser Bouritanın Azərbaycana səfəri və azərbaycanlı həmkarı Elmar Məmmədyarovla görüşü çərçivəsində imzalanıb.

İki ölkə arasında imzalanan sənədlər arasında “Azərbaycan Respublikası Hökuməti və Mərakeş Krallığı Hökuməti arasında gəlirlərə görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında Konvensiya”, “Azərbaycan Respublikası Hökuməti və Mərakeş Krallığı Hökuməti arasında təhlükəsizlik və cinayətkarlıqla mübarizə sahəsində əməkdaşlıq haqqında Saziş”, “Azərbaycan Dəmir Yolları” QSC və Mərakeş Dəmir Yolları arasında Niyyət Protokolu”, həmçinin Azərbaycan Dövlət Dəniz Akademiyası və Mərakeş Dənizçilik Araşdırmaları üzrə Ali İnstitutu arasında Niyyət Protokolu” var.

RƏSUL


Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.