Azərbaycan kinosunda erotik səhnə yer alıb-Video

1920 – 1930-cu illərdə Bakı şəhəri. Rifah içində yaşayan professor, şərq miniatürü üzrə mütəxəssis gənc qıza vurulur. Professor arvadını tərk edir, amma kinematoqraf vurğunu olaraq qalır. Hətta gözləri tutulandan sonra da kinoteatra gəlməyə davam edir…

XALQ.AZ xəbər verir ki, “Kinonun ölümü” mövzusunda lentə alınmış Ayaz Salayevin “Yarasa” filmi Azərbaycanda ən yüksək beynəlxalq uğur qazanmış ilk və tək filmdir. Film həm də 18+ kadrların düzgün tərtibatı və həlli ilə diqqət çəkir.

Bu kino erotik film deyil, lakin açıq səhnələrinə görə də demək olar ki, bütün Azərbaycan filmlərini arxada qoyur.

Filmin mövzusu rejissor Ayaz Salayevin indiyə kimi kino haqqında, mədəniyyət haqqında olan düşüncələrənin nəticəsidir. Bu, rejissorun kinoya olan məhəbəti və nifrətidir. Hər bir adamın daxilində bu iki məfhum, bu hisslər ayrılmazdır. Bəs nəyə görə nifrət? Çünki kino insanı real həyatdan ayırır.

“Yarasa” tamaşaçıya həsr olunmuş kino əsəridir, daha doğrusu, sənət əsərinə tamaşa edən gözlər haqqındadır. Məhz buna görə də onun qəhrəmanı kor olur. Onun kor olması kinoya səsin gəlməsi ilə əlaqədardır.

Filmə görə 1995-ci ildə Soçidə Beynəlxalq “Kinotavr” kinofestivalında quruluşçu rejissor Ayaz Salayevə beynəlxalq kinoklublar təşkilatının Priz və Diplomu verilib. 1996-cı ildə rejissor “Bakılı” cəmiyyətinin “Humay” Mükafatını alıb. 1996-cı ildə Anje (Fransa) Ümumavropa debüt kinofestivalı
filmə Baş mükafat və Diplom verib. 1996-cı ildə İsgəndəriyyə (Misir) Beynəlxalq kinofestivalında “Yarasa”ya festivalın ən yaxşı filmi kimi tənqidçilərin Xüsusi Prizi verilib.

 

Orxan