Bakıda məktəbli zorlandı-Polis araşdırma aparır

Bakının Nəsimi rayonunda 13 yaşlı qız zorlanıb.

Bu barədə XALQ.AZ-a hüquq-mühafizə orqanlarından məlumat verilib.

Polisə yeniyetmənin anası şikayət edib. Qadının sözlərinə görə, cinayət iyunun 2-də onların şəxsi mənzilində törədilib. Uşağın anası deyib ki, qızı ilə cinsi əlaqədə olan şəxsin adı Rəsuldur.

20-ci Polis Bölməsinin əməkdaşlarının araşdırması zamanı şübhəli şəxsin kimliyi müəyyən olunub. Məlum olub ki, cinayətkarın adı heç də Rəsul deyil. O, Masallı rayon sakini D.Nuriyevdir. Hazırda hüquq-mühafizə orqanlarının əməkdaşları həmin şəxsin saxlanması istiqamətində tədbirlər görür. D.Nuriyevin zorakılıq qurbanının evinə necə daxil olması və cinayətin digər təfərrüatı aydınlaşdırılır.

Qeyd edək ki, zorlama faktı ilə bağlı daha iki şikayət Suraxanı və Səbail rayonlarından daxil olub. Birinci halda Həzrət adlı şəxs 23 yaşlı qızı zorlamaqda ittiham edilir. Digərində isə bir kişi 45 yaşlı qadını cinsi əlaqəyə məcbur edib. O, qadını fotolarını yaxınlarına göstərəcəyi ilə hədələyib.

Hər iki halda zərərçəkənlər polisə müraciət ediblər. Faktlarla bağlı araşdırma aparılır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.