Bakının məşhur bazarı sökülür – Yerində nə tikiləcək?

Bakının köhnə bazarlarından olan “Nəsimi bazarı”nın söküntüsünə başlanılıb.

XALQ.AZ xəbər verir ki, söküntü işləri artıq başlanılıb.

Qeyd edək ki, bazarın söküləcəyi barədə çoxdan məlumat verilmişdi. Lakin söküntü işlərinə gözlənilmədən başlanılıb.

Məsələ ilə bağlı Nəsimi Rayon İcra Hakimiyyətinin təsərrüfat şöbəsinin müdiri Qurban İsmayılov bildirib ki, “Nəsimi bazarı” pilot layihə çərçivəsində satılıb. Onun yerində yaşayış binası tikiləcək.

“Pilot layihə çərçivəsində tikinti işləri aparılacaq. Bazarın sahibi ilə razılaşandan sonra bina tikiləcək. Artıq ərazidə 3 bina tikilib, biri də bazarın yerində olacaq”, – Qurban İsmayılov bildirib.

Xatırladaq ki, “Nəsimi bazarı” Bakının ən qədim kolxoz bazarlarından biri idi.