“Bank Avrasiya” bağlanır? Əmanətçilər depozitlərini niyə geri çəkir.....
Bu ilin I rübündə “Bank Avrasiya”nın cəmi öhdəlikləri 109 milyon 905 min manat təşkil edib.
XALQ.AZ xəbər verir ki, bu barədə FED.az bankın rüblük hesabatına istinadla məlumat yayıb.
Bildirilib ki, bu da ötən ilin sonu ilə müqayisədə 6 milyon 427 min manat və ya 6% azdır.
Hesabat dövründə bankın depozit portfeli də 5 milyon 635 min manat və ya 9% kiçilərək 57 milyon 380 min manata düşüb.
Depozit portfelinin 54 milyon 209 min manatını fiziki şəxslərin əmanətləri, 3 milyon 171 min manatını isə hüquqi şəxslərin depozitləri təşkil edib.
Fiziki şəxslərin depozitləri 2 milyon 239 min manat və ya 4%, hüquqi şəxslərin depozitləri cəmi 3 milyon 396 min manat (2 dəfə) kiçilib.
Qeyd edək ki, “Bank Avrasiya” ASC-nin müşahidə şurasının sədri Maliyyə Bazarlarına Nəzarət Palatası publik hüquqi şəxsin Direktorlar Şurasının keçmiş sədri Rüfət Aslanlının qardaşı Fuad Aslanovdur.
