“Beynəlxalq əməkdaşlıq müstəvisində böyük irəliləyişlər var” Tahir Mirkişili

tahir

 

“Azərbaycan-İran əlaqələri sürətlə inkişaf edir. Bunu açıqlamasında millət vəkili Tahir Mirkişili deyib. Onun sözlərinə görə, həm iqtisadi, həm siyasi, həm də beynəlxalq əməkdaşlıq müstəvisində böyük irəliləyişlər var.

“Keçən il, iki dövlət arasında ticarət dövriyyəsi iki dəfə artıb və İran Azərbaycana dərman və avtomobil istehsalının təşkili üçün investisiya yatırmağa başlayıb. Eyni zamanda, Azərbaycan öz dəmir yolunu İran sərhədinə qədər uzadıb və müştərək Azərbaycan-İran komissiyasının aktiv fəaliyyəti mühüm nəticələr əldə etməyə səbəb olub. Azərbaycan Prezidentinin təşəbbüsləri ilə yaradılan Azərbaycan-İran-Rusiya, Azərbaycan-İran-Türkiyə üçtərəfli əməkdaşlıq formatı səmərəli şəkildə region ölkələri üçün öz nəticələrini verməkdədir. Bu dəfəki səfər zamanı prezidentlər yeni bir üçtərəfli əməkdaşlıq formatının – Azərbaycan-İran-Gürcüstan formatının yaradılmasını müzakirə ediblər. Şimal-Cənub nəqliyyat dəhlizinin tam işə düşməsi üçün Astara-Rəşt dəmiryolunun tikintisinə Azərbaycanın da iştirakı ölkəmizin tezliklə bu dəhlizin tam fəaliyyətinə verəcəyi mühüm tövhə olacaq. Xəzər dənizində əməkdaşlığın davam etdirilməsi, regional təhlükəsizlik məsələlərində Azərbaycan-İran münasibətlərinin uzlaşdırılması mühüm hadisədir və Azərbaycan Prezidentinin bütün bu məsələləri İran tərəfi ilə qarşılıqlı əməkdaşlıq şəklində müzakirəsi bu səfərin əsas məqsədlərindən biri idi və fikrimizcə görüş yüksək məhsuldarlığı ilə yadda qaldı”-deyə, millət vəkili sözlərinə əlavə edib.


Bir cavab yazın

Sizin e-poçt ünvanınız dərc edilməyəcəkdir.

This site uses Akismet to reduce spam. Learn how your comment data is processed.