“Bilik günü” Qazyan kənd tam orta məktəbinin kollektivi üçün ikiqat bayrama çevrilmişdir. Yeni tədris ilində 420 şagird yerlik Qazyan kənd tam orta məktəbi əsaslı təmirdən sonra istifadəyə verilmişdir.
Tədbiri giriş sözü ilə açan rayon təhsil şöbəsinin müdiri Aydın Qarayev respublika prezidentinin təhsilə göstyərdiyi diqqət və qayğıdan danışaraq təhsil işçilərinə yeni tədris ilində müvəfəqqiyyətlər arzuladı. Sonra məktəbin direktoru Rafael Abbasov, kənd ağsaqqaıllarından Oktay Bayramov, məktəbin şagirdi Təzəgül Cahidzadə çıxış edərək öz ürək sözlərini bildirdilər.
Rayon icra hakimiyyətinin başçısı Müstəqim Məmmədov müəllim və şagirdləri yeni dərs ilində “Bilik günü”nü yeni məktəb binasında keçirmələri münasibəti ilə təbrik edərək, respublika Prezidentinin rayonumuzun sosial-iqtisadi inkişafına göstərdiyi diqqət və qayğıya görə minnətdarlığını bildirmiş, Azərbaycan Respublikasının birinci xanımı, Heydər Əliyev Fondunun Prezidenti Mehriban Əliyevanın “Yeniləşən Azərbaycan yeni məktəb” layihəsi çərçivəsində görülən işlərdən danışdı.
Rayon rəhbəri qeyd etdi ki, ötən illərdə rayonumuzun şəhər 1 saylı, Seydimli, Balakəngərli, Qapanlı kənd tam orta məktəbləri tikilib istifadəyə verilmiş, Seydimli kənd və şəhər 2 saylı körpələr evi-uşaq bağçaları əsaslı təmir olunmuşdur.
Bu il isə Borsunlu və Qazyan kənd tam orta məktəbləri əsaslı təmir olunmuş, Rəcəbli kənd ümumi orta məktəbi üçün yeni bina tikilmişdir. Şəhər 5 və 6 saylı məktəblərin dam örtüyü dəyişdirilmişdir.
Rayon icra hakimiyyətinin başçısı tərtərlilər adından rayon göstərilən diqqət və qayğıya görə respublika Prezidenti cənab İlham Əliyevə öz minnətdarlığını bildirmişdir. Məktəbin birinci sinifinə qəbul edilən şagirdlərə rayon icra hakimiyyəti tərəfindən məktəbli çantaları və dərs ləvazimatları hədiyyə edilmişdir.
Tədbirdə millət vəkili Sahib Alıyevdə iştirak etmişdir.
Rəcəbli kənd ümumi orta məktəbin kollektivi yeni dərs ilinə 150 şagird yerlik yeni məktəb binasında başlamışdır. Bu münasibətlə keçirilən tədbiri giriş sözü ilə rayon təhsil şöbəsinin müdiri Aydın Qarayev açmış, respublika prezidenti cənab İlham Əliyevin başqa sahələrə olduğu kimi təhsilədə göstərdiyi diqqət və qayğıdan danışmışdır. O qeyd etmişdir ki, bu il rayondan ali məktəbə sənəd verən məzunların 48 faizi ali məktəbə, 7 nəfəri hərbi məktəbə daxil olmuşlar. Gənclərin hərbi məktəblərə daxil olması cəbhə bölgəsində yerləşən rayonumuz üçün böyük uğurdur. Sonra məktəbin direktoru Mayıl Aslanov, valdeyinlərdən İsrafil Mahmudov çıxış edərək təhsil işçilərini yeni dər ilinin başlanması və yeni məktəb binasının tikilib istifadəyə verilməsi münasibəti ilə təbrik etmişlər.
Rayon icra hakimiyyətinin başçısı Müstəqim Məmmədov çıxış edərək yeni dərs ilinin başlanması “Bilik günü” münasibəti ilə Rəcəbli kənd ümumi orta məktəbin müəllim və şagird kollektivini təbrik etmiş, təhsildə aparılan islahatlardan, “Təhsil millətin gələcəyidir” deyən Ulu öndərin milli təhsilimizdəki rolundan, onun siyasi kursunun layiqli davamçısı olan respublika prezidenti cənab İlham Əliyevin, Heydər Əliyev Fondunun Prezidenti Mehriban xanım Əliyevanın təhsilə göstərdiyi diqqət və qayğıdan söhbət açdı və bunun üçün tərtərlilər adından respublika prezidentinə və onun xanımına minnətdarlığını bildirdi.
Sonra tədbirdə iştirak edən millət vəkili Sahib Alıyev çıxış edərək öz ürək sözlərini bildirdi.
Rayon rəhbəri və millət vəkili birlikdə məktəbin açılışının rəmzi olan qırmızı lenti kəsdilər.
Tədbir iştirakçıları müasir avadanlıqlarla təchiz olunmuş sinif otaqları, komputer otağı ilə tanış oldular, birincilərə hədiyyələr təqdim etdilər.
