“Bizim market” mağazalarında vaxtı keşmiş məhsullar satılır-Fotolar

bizim market

7NEWS.az xəbər verir ki, Binəqədirayonu, İ.Paşa Dadaşov küçəsində yerləşən “Bizim market” mağazasında daha bir xoşagəlməz hal qeydə alınıb. Redaksiyamıza ünvanlanan müraciətdə deyilir ki, mağazanın duru yağlar bölməsindəki məhsulların bir çoxu həyat üçün təhlükəlidir. Belə ki, duru yağlardan bəzilərinin vaxtı keçsə də satışdan yığışdırılmayıb. Müraciət edən vətəndaş qeyd edir ki, vaxtı keçmiş məhsulu kassa aparatına yaxınlaşdırıb: “Ancaq satıcı heç nə olmamış kimi bu məhsulu da kassa aparatından keçirdi və yenidən mənə təqdim etdi. Elə bu an mən öz etirazımı bildirdim. Qeyd etdim ki, vaxtı keçmiş məhsul, xüsusən də duru yağ çeşidi insan sağlamlığı üçn çox təhlükəlidir. Niyə bunu satırsınız? Sualını verəndə isə dərhal mağazanın məsul şəxsləri yaxınlaşdılar, müxtəlif təkliflər irəli sürərək xoşagəlməz olayın unudulmasını istədilər. Mən isə birmənalı şəkildə etiraz etdim. Vaxtı keçmiş duru yağın fotolarını təqdim edir:

1532439939 37684674 10212222763943920 7676922547434160128 n
1532439969 37700019 10212222763623912 7303791555582623744 n
1532439953 37730682 10212222763703914 8553929090883649536 n
1532440017 37779622 10212222764303929 9201118960890675200 n
1532439965 37850599 10212222764063923 7337343389127409664 n
1532440025 manseer

Məlumat üçün qeyd edək ki, “Bizim market”mağazalarında bundan öncə də xöşagəlməz, cinayət tərkibli hadisələrə tez-tez rast gəlinib. Belə ki, İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Xətai rayonu, X.Məmmədov küçəsi, 1C ünvanında Svetlana Salmanovaya məxsus “Bizim market”, həmçinin Yasamal rayonu, Ə.Əhmədov küçəsi, 19 ünvanında İlqar Mirzəyevə məxsus “Bizim market” mağazalarında aparılan yoxlama zamanı istehsalçı tərəfindən qablaşdırılaraq üzərində xalis çəkisi göstərilmiş malların ticarət obyektlərində real çəkisindən 5-10% artıq göstərildiyi və satışın bu çəkiyə uyğun olaraq aparıldığı müəyyən edilmişdir.
Məlumatı dəqiqləşdirmək üçün “Bizim market” mağazalar şəbəkəsinin rəsmi veb səhifəsində yeganə qeyd olunan *7778 nömrəsi ilə dəfələrlə əlaqə saxlamağa cəhd etsək də nömrənin aktiv olmama səbəbindən münasibət öyrənmək mümkün olmamışdır.

Mövzunu diqqətdə saxlayacağıq.