Bu gün Azərbaycan Futbol Federasiyaları Assosiasiyasının (AFFA) növbəti Konfransı və İcraiyyət Komitəsinin iclası keçiriləcək.
XALQ.AZ xəbər verir ki, saat 10:00-da start götürəcək konfransda assosiasiyanın yeni prezidenti müəyyənləşəcək.
AFFA-nın hazırkı prezidenti Rövnəq Abdullayev yenidən bu posta namizədliyini irəli sürüb. O, AFFA Nizamnaməsinin 41-ci maddəsinin 3-cü bəndini rəhbər tutaraq, bu vəzifəyə namizədliyini verib.
Xatırladaq ki, Rövnəq Abdullayev ilk dəfə 2008-ci ildə, ikinci dəfə 2012-ci ildə, üçüncü dəfə isə 2016-cı ildə AFFA-nın prezidenti seçilib.
Qeyd edək ki, tədbirdə AFFA-nın icraçı vitse-prezidentin kimliyinə də aydınlıq gələcək. Yeni vəzifəyə indiki baş katib Elxan Məmmədov seçilsə, onun əvvəlki baş katib postuna da təyinat rəsmiləşəcək.
AFFA İcraiyyə Komitəsinin üzvlüyünə namizədliyi irəli sürülmüş şəxslərin siyahısını təqdim edirik:
Regional Futbol Federasiyaları İctimai Birliyi – 3 yer
1. İsgəndər Cavadov – Qərb Regional Futbol Federasiyası tərəfindən
2. Kazbek Tuayev – Regional Futbol Federasiyaları İctimai Birliyi tərəfindən
3. Elxan Məmmədov – Şimal Regional Futbol Federasiyası tərəfindən
Peşəkar Futbol Liqası İctimai Birliyi – 5 yerZaur Axundov – “Keşlə” FK tərəfindən
2. Rauf Əliyev – “Səbail” FK tərəfindən
3. Vaqif Sadıqov – “Sumqayıt” FK tərəfindən
4. Elşad Nəsirov – “Neftçi” PFK tərəfindən
5. Fərid Mansurov – Peşəkar Futbol Liqası İctimai Birliyi tərəfindən
Sahə Futbol Federasiyaları İctimai Birliyi – 2 yer
1. Firudin Qurbanov – Tələbə Futbol Federasiyası tərəfindən
2. Mahir Məmmədov – Futzal Federasiyası tərəfindən
İctimai Futbol Təşkilatları İctimai Birliyi – 2 yer
1. Elmar Məmmədyarov – Ümumazərbaycan Futbolsevərlər Birliyi tərəfindən
2. Könül Mehtiyeva – İctimai Futbol Təşkilatları İctimai Birliyi tərəfindən
