75 saylı Lənkəran Masallı seçki dairəsindən deputatlığa namizəd Cavanşir Paşazadə namizədlik dövründə seçiciləri ilə son görüşlərini keçirib.
XALQ.AZ xəbər verir ki, görüşdə seçicilər-ziyalı və gənclər dövlətə və dövlətçiliyə sədaqətlə xidmət etməklə onlarla təkrar görüşlərinə görə deputatlığa namizəd Cavanşir Paşazadəyə minnətdarlığını bildiriblər.
Görüşlərdə namizədin millət vəkili olan dövrlərdə gördüyü işlər, seçici və dövlət mənafeyinə uyğun fəaliyyətinin bir növ hesabatı dinlənilmişdir. Bu baxımdan Cavanşir Paşazadenin fəaliyyəti müsbət qiymətləndirilmiş, ondan yenidən etimad göstərəcəklərini qeyd etmişlər. Deputatlığa namizəd göstərdikləri etimada görə seçicilərə səmimi təşəkkürünü bildirib.
C. Paşazadə bundan sonra da onların qaldırdıqları problemlərin həll oinması üçün əlindən gələni edəcəyini bildirib.
XALQ.AZ
