Cavid Qurbanovun nazir arzusu reallaşır

Bəlli olduğu kimi, Müdafiə Sənayesi naziri Yavər Camalovun vəfatından sonra 4 aydan artıqdır ki, bu post boş qalıb.

XALQ.AZ  xəbər verir ki, Mətbuatda yeni Müdafiə Sənayesi nazirinin kimliyi ilə bağlı çoxsaylı iddiaların səslənməsi fonunda Editor.az-a bu xüsusda yeni və mühüm bir məlumat daxil olub.

Məlumatlı mənbənin iddiasına görə, hazırda Müdafiə Sənayesi naziri postuna ən iddialı və real namizəd Azərbaycan Dəmir Yolları QSC-nin sədri, deputat Cavid Qurbanovdur. Məlumata görə, C.Qurbanov bu istiqamətdə bütün əlaqələrini işə salıb və onun yaxın gələcəkdə bu posta təyin ediləcəyi ehtimalı olduqca yüksəkdir.

Qeyd edək ki, Cavid Qurbanovun adı indiyədək Baş nazir postu daxil olmaqla, bir sıra mühüm vəzifələrə namizəd olmaqda hallanıb.

 

Orxan