“Ceyhun Bayramova uğurlar diləyirəm” – Elmar Məmmədyarov

Prezident İlham Əliyevin sərəncamı ilə Xarici İşlər naziri vəzifəsindən azad olunan Elmar Məmmədyarov Gununsesi.org-a qısa müsahibə verib.

XALQ.AZ sabiq nazirlə qısa söhbəti təqdim edir:

– Elmar müəllim, vəzifənizi itirdiniz. Özünüzü necə hiss edirsiniz?

– Vəzifə insan üçün əbədi deyil. Ona görə də özümü normal hiss edirəm. Uzun illər çalışmışam, xidmət göstərmişəm.  

– Gələcək planınız nədir? 

– Mən cəmi iki gündür ki, xarici işlər naziri vəzifəsindən azad olunmuşam. Evimdə oturmuşam. Gələcəklə bağlı hansısa qərarım yoxdur. Söz verirəm ki, hansı qərarım olsa, bunu sizlə bölüşəcəyəm.

– ABŞ-a övladlarınızın yanına gedəcəksiniz, ya Azərbaycanda qalacaqsınız?

– Dedim axı, hələ heç nə qərarlaşdırmamışam. Hansı addımı atsam bunu biləcəksiniz.

– Yeni XİN rəhbəri Ceyhun Bayramov haqqında düşüncələriniz nədən ibarətdir? Onun diplomat kimi təcrübəsinin olmamasını xüsusi vurğulayanlar var. 

– Mən elə sizin sayt vasitəsilə Ceyhun Bayramova uğurlar diləyirəm. Savadlı insandır. Şəxsən də tanışlığımız var. Sualınızın ikinci hissəsinə gəlincə, bu, mənə ünvanlacaq sual deyil. Ona görə də bu haqda özündən soruşsanız daha yaxşı olardı.