Milli Məclis buraxıldıqdan sonra sonuncu tərkibdən kimlərin təkrar deputat olacağı sualları yağmağa başlayıb.

XALQ.AZ-ın məlumata görə bir çox deputatlar yenidən parlamentə düşməyəcəklər. Onlardan bəziləri namizəd olmayacaq, bəziləri hakim partiyanın namizədi kimi dəstəklənməyəcək, bir hissəsi yaş faktoru nəzərə alınaraq mandat sahibi olmayacaqlar.

Belə xəbərlər dolaşır ki, Eldar İbrahimov, Məlahət İbrahimqızı, Hicran Hüseynova, Kamilə Əliyeva,  yeni parlamentdə yer almaya bilərlər.

Bu siyahını Aqil Abbas, Bəxtiyar Əliyev, Bəxtiyar Sadıqov, Fəzail Ağamalı ilə genişləndirmək olar.

Həmçinin Nizami Cəfərov, Tamam Cəfərova,   də növbəti parlament seçkilərində deputat adı qazanmaya bilərlər.

Bildirilir ki, Ziyafət Əsgərov, Əhliman Əmiraslanovun da şansı azdır.

Habelə, iddia edilir ki, Oqtay Əsədov, Sevinc Hüseynova, İsa Həbibəyli də yeni parlamentin tərkibində təmsil olunmayacaqlar.

Bundan əlavə  iddia olunur ki, partiya üzrə isə Elşən Musayev və Sabir Hacıyev  də seçilməyəcəklər.
Bundan əlavə,  Səbinə Xasayeva da yenidən deputat olmaya bilər.

Bütün adıçəkilən deputatlarla bağlı müxtəlif səbəblər var. Bəziləri uzun müddət deputat olublar, bəziləri yaşlanıb, bir hissəsini isə cəmiyyət bu illər ərzində deputat kimi tanınmayıb, çıxışlarına rast gəlməyib.

O da deyilir ki, Eldar Quliyev, Müşviq Məmmədli, Anar Məmmədov, İlham Məmmədov,  Vasif Talıbov, Sədaqət Vəliyeva, İltizam Yusifov da deputat olmaya bilər.

Onu da demək lazımdır ki, yaşı 70-i ötmüş, hamısı olmasa da, bir çox köhnə simaların deputat mandatı ilə vidalaşacağı gözlənilir.

Məlumat üçün qeyd edək ki, hazırda Milli Məclisdə təmsil olunan 125 deputatın 21-i 70 yaş və üzərindədir.

Parlamentin ən yaşlı deputatı Ziyad Səmədzadədir (83 yaş). Onu Eldar İbrahimov (79 yaş) və Mixail Zabelin (78 yaş) izləyir.

70-i ötmüşlər” siyahısındakı digər deputatların adlarını təqdim edirik:

– Fəzail Ağamalı (77 yaş);

– Sabir Rüstəmxanlı (77 yaş);

– Əhliman Əmiraslanov (76 yaş);

– İsa Həbibbəyli (75 yaş);

– Tahir Rzayev (74 yaş);

– Aqiyə Naxçıvanlı (74 yaş);

– Elman Məmmədov (73 yaş);

– Rasim Musabəyov (73 yaş);

– Bəxtiyar Sadıqov (73 yaş);

– Eldar Quliyev (72 yaş);

– Anatoliy Rafailov (71 yaş);

– Aqil Abbas (71 yaş);

– Sabir Hacıyev (70 yaş);

– Asim Mollazadə (70 yaş).

MSK -nın məlumatına əsasən Milli Məclisə növbədənkənar seçkiləri 1 sentyabr2024-cü il tarixində keçiriləcək.  Namizədin qeydə alınması üçün zəruri olan seçki sənədlərinin müvafiq seçki dairələrinə təqdim edilməsi   iyulun 13-də başlayacaq, avqustun 2-si saat 18:00-da başa çatacaq.  Seçkiqabağı təşviqatın aparılmasına 9 avqustda başlanacaq, 31 avqust saat 8:00-da seçkiqabağı təşviqat dayandırılacaq.Tribunainfo.az