Deputatlar həftəsonu tətilə çıxacaqlar

Milli Məclisin deputatları bu həftədən – dekabrın 28-dən etibarən tətilə çıxır.

Parlamentin 2018-ci il payız sessiyasının sonuncu plenar iclası dekabrın 28-də keçiriləcək. Dekabrın 29-u şənbə, 30-u isə bazar, dekabrın 31-i isə Dünya Azərbaycanlılarının Həmrəyliyi gününə təsadüf etdiyindən deputatlar 18 gün tətildə olacaqlar.

Sonuncu iclasdan sonra deputatlar tətilə çıxacaqlar. Parlamentin Daxili Nizamnaməsinə əsasən, millət vəkilləri yanvar ayının 1-dən 15-dək tətilə buraxılır.

Parlamentin yaz sessiyası isə fevralın 1-də başlayacaq və mayın 31-dək davam edəcək.

Qeyd edək ki, Milli Məclisin payız sessiyasının sonuncu iclası dekabrın 28-də keçiriləcək. İclasın gündəliyinə 44 məsələ daxil edilib. Həmçinin, iclasda Dünya azərbaycanlılarının həmrəyliyi günü münasibəti ilə Azərbaycan Respublikası Milli Məclisinin Müraciətinin təsdiq ediləcək.

 

Orxan