17 saylı Yasamal üçüncü seçki dairəsindən deputatlığa namizəd Elnur Allahverdiyev seçiciləri ilə fərdi görüşləri davam etdirir.
XALQ.AZ-ın məlumatına görə, bu dəfə E.Allahverdiyev Yasamal rayon sakini olan Qarabağ qazisi, Aprel döyüşlərinin iştirakçısı Rasim Məmmədovun evində qonaq olub. Bu barədə namizədin Feysbuk səhifəsində məlumat paylaşılıb.
“17 saylı Yasamal üçüncü seçki dairəsindən aprel döyüşlərinin qazisi olan yeganə seçicimizdir. Hesab edir ki, vətən qarşısında borcunu tam yerinə yetirməyib. Ali Baş Komandanın torpaqlarımızın azad edilməsi üçün əmrini gözləyir. Sənin kimi vətən oğulları ilə Fəxr edirik! Gənclər günün mübarək!”, – paylaşımda qeyd edilib.
XALQ.AZ
