”Erməni silahlı birləşmələri keçirdikləri əməliyyat çərçivəsində bu gün düz iki saat Tərtərin Qapanlı və Qaradağlı kəndlərini iri çaplı silahlardan gülləbaran etdilər. Şükürlər olsun ki, itki yoxdur. Amma həmin kəndlərdə bir çox evlərin dam örtüyü, pəncərələri qırılıb.Hətta güllələr içəri geçərək bəzi evlərdə mebellərdə də iz buraxıb”.Modern.az saytının xəbərinə görə, bunu Tərtərin deputatı Sahib Alıyev bildirib. Onun sözlərinə görə, Azərbaycan ordusunun cavab həmləsindən sonra ermənilər əməliyyatı dayandırıblar.
”Tərtər camaatı mərd camaatdır və bu cür atışmanı, hətta ondan betərini də çox görüblər. Bununla onları qorxutmaq mümkün deyil. Eyni zamanda hərb elmindən az-çox xəbərdar olan hər kəs yaxşı bilir ki, ermənilərin ən zəif, ordumuzun istənilən an vurub dağıdacağı sədlərindən biri elə Tərtərdədir. Fəqət daha çox narahatçılıq doğuran başqa şeydir. Olimpiada zamanı atəşkəsi pozmayacaqları haqda öhdəlik götürmələrinə baxmayaraq erməni tərəfi əksinə, nəinki buna əməl etmir, hatta mövqelərindən çıxaraq əməliyyatlar keçirmək cəhdində bulunur. Görəsən onların atəşkəsi ardıcıl olaraq pozmlarıyla eyni vaxtda rusiyalı hərbçilərin Ermənistandakı “Kamxud” və “Alagöz” təlim-məşq kompekslərində taktiki təlimlərə başlamaları təsadüfdümü? Əgəgr təsadüfdürsə, nədən Rusiya keçirdiyi və özü üçün böyük prestij hesab etdiyi olimpiada zamanı atəşkəsin pozulmasına nəinki dözümlü yanaşır, hətta 600-dən çox hərbçi və 200-ə yaxın zirehli texnikanı cəlb etməklə Ermənistanda təlimlərə start verir. Özü də orada qışın oğlan çağı olduğu bir vaxtda və gecə saatlarında”.
