Ermənistan Kollektiv Təhlükəsizlik Müqaviləsi Təşkilatına üzv dövlətlərlə informasiya texnologiyaları sahəsində əməkdaşlığı təsdiqləməyə tələsmir.
Ermənistanın Milli Təhlükəsizlik Xidmətinin direktoru Artur Vanetsyan qanunun ratifikasiya olunmasını təklif edib. Onun sözlərinə görə qanun hərbi-siyasi sahədə KTMT-a aid məlumatların mübadiləsinə şərait yaradacaq.
Amma o, bəzi üzv ölkələrin bu informasiyaları Azərbaycana ötürə bilməsindən narahatlığını gizlətməyib.
“Mən ölkələrin adlarını çəkmək istəmirəm amma KTMT-da İslam təşkilatlarına üzv ölkələrin olduğunu bilirik. Həmin ölkələrin Azərbaycanla oxşar sazişi varmı və bu razılaşmaya necə təsir göstərə bilər?”-deyə “Çiçəklənən Ermənistan” partiyasının deputatı Mikael Melkumyan Vanetsyana sual verib.
Vanetsyan infiormasiyaların bağlı olduğunu və 3-cü ölkələrə ötürülməsinin çətinləşdiyini deyib. Bununla belə, bəzi ölkələrin səssiz razılığı əsasında KTMT-a aid informasiyaların kənara sızdırılmasını təkzib etməyib.
XALQ.AZ
Yeganə
