Fəzail Ağamalının təbliğatının yeni mərhələsi… – Video

Ana Vətən Partiyasının sədri, 60 saylı Salyan-Neftçala seçki dairəsindən deputatlığa namizəd seçicilərlə görüşünü davam etdirir.

XALQ.AZ xəbər verir ki, F.Ağamalı Parça–Xalac və Çuxanlı kənd inzibati ərazilərində torpaqlarımızın bütovlüyü uğrunda şəhid olan igid vətən övladlarının məzarlarını ziyarət edib və onların ailələri və kənd sakinlərilə çoxsaylı görüşlər keçirib.

Şəhid ailələrinin və kənd sakinlərinin istək və təklifləri diqqətlə dinlənilib.

Fəzail Ağamalı seçicilərlə görüşdə dövlətçiliyimizin keçdiyi yolun çətinliklərindən, 90-cı illərin əvvəllərində düşdüyümüz fəlakətli vəziyyətdən və dövlətçiliyimizin məhv olmaq təhlükəsindən xilas edilməsində Ulu öndər Heydər Əliyevin müstəsna xidmətlərindən danışıb. Həmin çətin anlarda bütün xalqımızla bərabər Ümummilli liderimizin yaninda olmağından şərəf duydugunu bildirib və dövlətimizin gücünü, beynəlxalq nüfuzunu konkret faktlarla önə çəkib.

Görüşdə seçicilər Fəzail Ağamalının son dörd ildə deputatlıq fəaliyyətini yüksək qiymətləndirib, qarşıdan gələn parlament seçkilərində ona səs verəcəklərini ifadə etdilər, ona dövlətçiliyimiz və xalqımıza xidmət yolunda uğurlar arzulayıblar.

XALQ.AZ