Facebook azərbaycanlı bloqerləri bloklayıb

Facebook sosial şəbəkəsində Azərbaycanın aparıcı bloqerlərinin, eləcə də bir sıra KİV-in baş redaktorlarının səhifələri kütləvi şəkildə bloklanması başlayıb.

XALQ,AZ xəbər verir ki, bloklanmanın səbəbi hələ ki, məlum deyil. Lakin sosial şəbəkə istifadəçilərinin 30 günlük ban edilməsinin siyahısı hər ay artır.

Belə ki, Haqqin.az informasiya-analitik portalının redaktoru Eynulla Fətullayev, Oxu.az-ın baş redaktoru Elvin Şirinlinin, Armiya.az portalının baş redaktoru Bəhram Batıyev, məşhur jurnalistlər Kənan Quluzadə, Şahin Rzayev və başqalarının sosial şəbəkədi səhifələri bloklanıb.

İlkin ehtimala görə, buna seçilmiş hansısa paylaşıma görə gələn çoxlu şikayətlər səbəb olub. Belə ki, Facebook-dakı şikayətlərə baxan sistem çoxsaylı şikayələrə yönləndirilib. Proqram sadəcə olaraaq çoxsaylı şikayətləri görür. Və avtomatik olaraq müəllifi uzunmüddətli ban edir.

Bununla yanaşı, bu cür qərarlara apellyasiya göndərmək cəhdi də alınmır. Belə ki, moderatorlar hər zaman apellyasiyaya baxmır.

Hələ ki, azərbaycanlı bloqerlərin Facebook-da bloklanmasının ardında kimin dayandığı bilinmir. Lakin bu hal günü-gündən artır.

Elgün