Fatma Yıldırım WPL təşkilatının onlayn seminarında iştrak edib – Foto

Bu gün Qadın Siyasi Liderlər (WPL) təşkilatının onlayn formada seminar keçirilib.

XALQ.AZ xəbər verir ki, sözügedən seminarda millət vəkili Fatma Yıldırım iştrak edib.

Millət vəkili belə bir seminarda iştark etdiyi üçün qürur keçirdiyini qeyd edib:

“80-dən çox ölkənin təmsil olunduğu “Gələcəyin dünyasını formalaşdıran qadın liderlər: Yeni bir norma qururuq” adlı qlobal veb-seminarda Azərbaycan parlamentinin üzvü kimi iştirak etmək çox qürurvericidir”

Tədbirdə COVİD-19 pandemiyasının bütün dünyada sağlamlığa, sosial və iqtisadi həyata mənfi təsirlərinə baxmayaraq, cəmiyyətdə qadınlar üçün yarada biləcəyi fürsətlərlə bağlı fikirlər səsləndirildib. Post pandemiya dövründə formalaşacaq yeni dünya siyasətində qadınların kişilərlə bərabər imkanlara sahib olmaları ilə bağlı həyata keçirilə biləcək fəaliyyətlər müzakirə olunub.

Çıxışlarda əsasən hər bir ölkədə qadınların aktiv siyasətdə və rəhbər vəzifələrdə təmsil olunmasının cəmiyyətin çoxşaxəli inkişafı üçün önəmli olduğu vurğulanıb.

Fatma Yıldırım bildirib ki, ölkəmizin qadınları adına bu çox qürurverici faktdır.


“Son illər ölkəmizdə hörmətli Birinci vitse-prezidentimiz Mehriban xanım Əliyevanın aktiv əmək fəaliyyəti biz Azərbaycan qadınları üçün bariz nümunədir. Onun rəhbərliyi ilə bu gün ölkəmizdə qadınlar gündən-günə dövlət idarəçiliyinə daha çox cəlb olunublar. Ölkəmizin qadınları adına bu çox qürurverici faktdır.

Bugünkü tədbirə dəvət və faydalı fikir mübadiləsi üçün təşkilat rəhbərliyinə təşəkkürümü bildirirəm”.


XALQ.AZ