Güləşçilərimiz Türkiyədə 11 medal qazanıb

Türkiyənin Antalya şəhərində yeniyetmə güləşçilər arasında keçirilən “Victory Cup” turnirinə yekun vurulub.

XALQ.AZ xəbər verir ki, Azərbaycan Güləş Federasiyasından verilən məlumata görə, son yarış günündə 6 güləşçimiz fəxri kürsüyə qalxıb. Sərbəst güləşçilərin mübarizəsində Fərhad Kərimli (60 kq) çempion olubsa, Mamed Əhmədov (60 kq) və Kənan Heybətov (51 kq) üçüncü yeri tutub. Qızların turnirində Elnurə Məmmədova (53 kq) və Mərziyə Sadıqova (61 kq) gümüş medal qazanıb. Yunan-Roma güləşçilərinin yarışında isə Elmir Əliyev (51 kq) fəxri kürsünün 2-ci pilləsinə yüksəlib.

Beləliklə, ümumilikdə bu yarışda qazancımız 11 medal – 2 “qızıl”, 5 “gümüş” və 4 “bürünc” olub. Xatırladaq ki, beynəlxalq dərəcəli hakim Zaur Şərifov “Victory Cup”da ədaləti qoruyub.

 

Orxan

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.