Deputat qazilərin qəhrəmanlığını yüksək qiymətləndirərək onların fədakarlığının unudulmaz olduğunu vurğuladı. O, Azərbaycan dövlətinin, xüsusilə, cənab Prezident İlham Əliyevin və Birinci Vitse-Prezident Mehriban xanım Əliyevanın hər zaman şəhid ailələrinin və qazilərin yanında olduğunu xüsusi olaraq qeyd etdi.

Görüşdə qazilər öz təkliflərini səsləndirdilər. Millət vəkili Günay Ağamalı qazilərin səsləndirdiyi məsələlərin diqqətə alınacağını və aidiyyəti qurumlara ünvanlanacağını qeyd etdi.

Milli Məclisin deputatı Günay Ağamalı bu kimi görüşlərin qazilərin üzləşdikləri müəyyən situasiyaların həllinə və onların cəmiyyətə daha aktiv inteqrasiyasına töhfə vermək baxımından böyük əhəmiyyət kəsb etdiyini, onların daim cəmiyyətin diqqətində olduğunu diqqətə çatdırdı.

İsti və səmimi atmosferdə keçən görüşün sonunda xatirə şəkilləri çəkildi.