Gürcüstanda 60-dan çox hərbi qulluqçu zəhərlənib
Osiauri hərbi bazasından 61 hərbi qulluqçu mədə ağrısı ilə həkimə müraciət edib
Gürcüstanda növbəti kütləvi zəhərlənmə faktı orduda qeydə alınıb. ANS PRESS Trend-ə istinadla xəbər verir ki, Osiauri hərbi bazasından (ölkənin şərqi) 61 hərbi qulluqçu mədə ağrısı ilə həkimə müraciət edib.
Fakt üzrə hərbi polis tərəfindən cinayət işi açılıb.
İstintaqın ilkin mərhələsində müəyyən edilib ki, hadisə artıq işdən çıxarılmış aşpazın səhlənkarlığı ucbatından baş verib.