Ədliyyə Nazirliyi yanında İctimai Komitənin üzvləri həbsdə olan blogger Mehman Hüseynovla görüşüblər.
XALQ.AZ xəbər verir ki, komitənin üzvü Sahib Məmmədov görüşdə çəkdiyi fotonu “Facebook” sosial şəbəkəsindəki hesabında paylaşıb. Görüşün bir saat əvvəl baş tutduğunu bildirib.
Qeyd edək ki, son günlər Mehman Hüseynovun həbsdə aclıq aksiyası keçirməsi ilə bağlı yayılan məlumatlar Penitensiar Xidmət tərəfindən təkzib olunub. Xidmətin İctimaiyyətlə əlaqələr şöbəsinin rəhbəri Mehman Sadıqov bloggerin normal qidalandığını, aclıq aksiyası keçirmədiyini bildirib.
Orxan
